#دولة_تقتل_ضحايا_طريق_عمدون_مرة_أخرى
كنت أنتظر أن تتحمل الدولة على الأقل هذه المرة مسؤوليتها كما يجب بالنظر إلى هول الكارثة وحجم المصاب وجلله ولكن !
آجتمعت الحكومة لساعات ليخرجوا لنا بأنهم قرروا فرض شهادة كفاءة على سائقي الحافلات والشاحنات !!!!! هكة
معناها حسب ما فهمت يا حكومة الحافلة إلي يسوقها سائق عندو شهادة الكفاءة هاذي ينجم يتعدى من الطريق هاذاكا على حالته هاذيكا ولا يصيرلو لا سو لا سوية ؟؟؟؟ بربي تستبلهو في شكون ؟ تحبوا تمسحوها في السائق ؟؟؟
وقتاش باش تفهموا إلي طريق بالتعرج هاذاكا والإنحدار هاذاكا والحالة المزرية للمعبد وغياب الإشارات وغياب حاجز إسفلتي ( حاجز حديد ما يوقفش بسكلات )يشكل خطرا وكارثة على مستعمله حتى لو كان يحمل خمسين شهادة كفاءة وحتى لو كان يقود حافلة عمرها عام ، وقتاش باش تفهموا إنو المشكل في البنية التحتية الكارثية ؟؟؟
وقتاش باش يخرج مسؤول ويقول يا شعب سامحنا رانا طحانة وسراق ومتواطئين مع مافيات الصفقات العمومية المغشوشة ؟
وقتاش باش يخرج مسؤول ويقول راهو عار علينا في 2019 ما زال ما عناش طائرات إسعاف هيلوكبتر ؟ بجاه ربي آش تعملوا بيهم الطيارات الراقدين في الثكنات ؟ باش تفتحوا بيهم الأندلس ولا تحرروا بيهم القدس ؟؟؟؟
وقتاش باش تتحملوا مسؤوليتكم وتعترفوا بأنه عار عليكم أن الشمال الغربي كله ليس فيه مستشفى جامعي واحد ؟
شباب دفع حياته ثمنا لسياسة دولة تمارس الفساد منذ 1956 حتى اليوم
اليوم وليس غدا نقول لكم سنظل نعاديكم ،سيظل الطفل يعاديكم والشاب يعاديكم والكهل يعاديكم والشيخ يعاديكم ألا تبت سياساتكم وتبت أياديكم